البلطجه واستخدام العنف فى بور سعيد وتقاعس فى تنفيذ القانون

مشاهدة
أخر تحديث : الإثنين 1 أبريل 2019 - 1:42 صباحًا
البلطجه واستخدام العنف فى بور سعيد وتقاعس فى تنفيذ القانون

تقرير/ سوزان هاشم

فى الأونه الاخيره وخصوصآ عقب ثورة 25يناير فإزدادت اعمال العنف والبلطجه بشوارع الجمهوريه بكل انواعها وبصورة علنية فجة واصبحت ظاهرة مرعبة للمجتمع، وعلى مرأى ومسمع  من المسؤلين ولربما تحت قبة القانون ،وتهديد وترويع المواطنين على أرواحهم وممتلكاتهم .فلم يخل يوم من حالة اعتداء لبلطجية سواء على مواطنين أو مؤسسات أو مستشفيات ومدارس وبلطجه الاراضى الزراعيه وغيرها فالاهتمام بالامن السياسى فتح الطريق امام البلطجيه 

احتلت البلطجه الشوارع واصبحوا يتحكمون بحياة الناس اليومية بل بأرزاقهم ومعيشتهم ، من خلال التعاون مع عدد من عناصر الشرطة بالتقاعس عن تنفيذ القانون واهمال المؤسسات الاخرى المنوط بها تنفيذ اعمالها …

لذلك جريدة فرسان الميدان تسلط الضوء على ” يوميات بلطجه “بمحافظة بور سعيد …

وتقول ” سلمى ” انا خريجة اداب انجليزي و بحضر ماجيستير ، من بورسعيد ،اخويا الصغير طارق ال طلعت بيه من الدنيا ملوش في اي حاجة خالص سمعته طيبة جدا بشهادة كل الناس من فترة نقلنا روحنا شقة جديدة و الشقه دى ف الدور الاخير و قصادنا ساكن واحدة ست ومعاها 4 اولاد و بنتين و يشهد الله ان امي كانت بتعاملها احسن معامله وفي يوم قررت تبنى اوضة فوق السطح من غير رأي حد عشان تربي فيها طيور تاكل منها عيش و بلغنا الحي و الحي جه بس نزل والعادى لا قوانين تنفذ ،  وتدور الايام وبدأت تهمل بالغرفه ولا نظافه اطلاقا  وبدأنا نتضرر احنا و سكان العمارة من الروائح الكريهه والزبالة ال طول الوقت بجوار شقتنا و ريحتها طالعة علينا و غير الازعاج من الساعة 6 الصبح هي واولادها بابا وماما اتكلموا بالحسني كتير انها على الاقل تنظف وراها اي حاجة بتعملها ولكن لا حياه لمن تنادى

وتابعت ؛ وذات مره بابا راجع من الشغل شاف زبالة كتير أوي  قدام شقتنا و اتضايق جدا و نادي علي مامتى و قالها تعالي نضفي القرف ده وامرنا لله…. 

يصادف ان ابنها الكبير واسمه محمود المزاحي فوق السطح نزل علي والدي و شتمه و قاله قرف ايه والموضوع وصل لانه جاب السكينه وجاي يتهجم علي والدي قدام كل سكان العمارة والموضوع هدوه 

واخويا الصغير عرف ال حصل وفي مرة قابل محمود ابن جارتنا وهو طالع البيت صدفه قاله ينفع تشتم راجل قد والدك قاله اه عشان هو مش راضي يريح دماغه و كل شوية يتكلم علي النظافه. اخويا قاله ما هو معاه حق. راح رد محمود وقاله لا احنا خط أحمر و انت وابوك لسه متعرفونيش و هدده و قاله بلاش احنا !! انتوا مش قدنا وهتشوف… !!!

وتابعت؛ تاني يوم بالظبط اتفق محمود المزاحى هو واخوه احمد  واستنو اخويا علي السلم و هو راجع من شغله بليل وقطعوه..  وراح محمود عور نفسه وعمل محضر ان والدي اعتدي علي مامتة جنسيآ واتهجم عليها عشان كده على اساس يبرؤا عملتهم بتشريح اخويا وال عملوه معاه وراحوا دفعوا فلوس و خلوا التقرير الطبي يتكتب فيه علاج اقل من 21 يوم الكلام ده كله كان يوم ٢٥-٩-٢٠١٨ الساعة 9 ونص بليل ومن ساعتها لحد دلوقتي القضية شغاله و كل شوية يتعملها مد اجل للحكم ليوم الخميس

واضافت: ال خلاني اتكلم ان النهاردة الصبح الساعة ٦ ونص ال3 اخوات (محمود و احمد و محمد )المزاحي يستنوا اخويا علي الشارع و يتهجموا عليه وقطعووه نفس التقطيع ده ال بعته لكم بالصور ويفروا هاربين 

ونضم صوتنا مع شقيقه طارق بمناشدة وزير الداخليه ولكل مسؤل بإنقاذهم من البلطجيه وحمايتهم من بطشهم وتفعيل القانون مع هؤلاء وكل من تسول له نفسه بتعدى القانون ورفع شعار حقى بدراعى…

رابط مختصر

اتـرك تـعـلـيـق 0 تـعـلـيـقـات

* الإسم
* البريد الألكتروني
* حقل مطلوب

البريد الالكتروني لن يتم نشره في الموقع

شروط النشر:

عدم الإساءة للكاتب أو للأشخاص أو للمقدسات أو مهاجمة الأديان أو الذات الالهية. والابتعاد عن التحريض الطائفي والعنصري والشتائم.

ان كل ما يندرج ضمن تعليقات القرّاء لا يعبّر بأي شكل من الأشكال عن آراء اسرة جريدة فرسان الميدان الالكترونية وهي تلزم بمضمونها كاتبها حصرياً.