علاقات

مشاهدة
أخر تحديث : الأحد 31 مارس 2019 - 9:38 صباحًا
علاقات

علاقات بقلم دعاء فاروق جاد
منذ بدايه الخلق الحياه هي ادم وحواء ، رجل وامراه
وحياه مستمره بين حب وكره ، وفاء وخيانه ،، تفاني وكذب ،، عطاء بدون مقابل ،، وصال وهجر ،، حب وفراق
ملحمه بينهم منذ البدايه لاخر الحياه ،،،ومسيره مستمره
حياه يوميه بنقابل ناس ونفارق ناس وما بين ناس وناس نختار ناس نكمل معاهم ،، بس الاهم مين يفضل للنهايه من يرضي بعيوبك من غير ما يحاول يصلحها لانه بيحبك كده بكل ما فيك وعاوزك معاه بكل ما تحمل من كلمه ومن حياه
علشان كده صعب تلاقي حد يفهمك ،، وان حصل ولقيت ف بيكون شخص واحد بس هو اللي يقدر يوصل لقلبك
يقدر يلمس كل احساسك … يفهمك ايوه يفهمك لان مش اي حد هيقدر يفهمك هيقدر يحس اللي جواك …
من نظره عين ، من احساس متداري صعب انك تحكيه …. من نبره صوتك وانت بتتكلم ..
مش اي حد يقدر يوصل للي جواك ويفهمك …
عيونك بتوصفك …. لكن شخص واحد يقدر يفهمك اللي بيحبك وبس اللي مهتم ب ادق تفاصيلك،، اللي لو يوم غلطت يطبطب عليك ويقولك قوم وكمل بكره تتعلم ،،،
اللي لو شاف تهور او جنون منك يجري عليك يقولك بلاش
ارجع وفوق ،،، اللي لو عرف انك مريض يجري عليك يطمن
اللي لو عرف انك حزين او مهموم يواسيك يطمنك ان بكره اجمل ،،، الشخص ده هو الوحيد اللي يكون ليه مكانه
ليه وجود جوه قلبك ،،، اتمسكوا بالشخص ده لانه بيحبك ومش منتظر مقابل هو عاوزك بس تكون مبسوط
حابب سعادتك حابب وجودك …
انت بالنسباله حياته الحلوه اللي مينفعش تكون بعيده عنه ،،، اللي ميعوضهاش اي حاجه تانيه ،،
انت وبس ليه كل الحياه .
تحيه حب واجلال لكل من يحاول اسعادنا
تحيه حب واحترام لكل من يواسينا وقت الاحتياج
تحيه حب واجلال لكل من يحاول يقرب برغم البعد
تحيه حب واجلال لكل من يحبنا علشان شخصنا
علشان احساسنا
كل الحب لكل انسان جواه ضمير
ميقدرش يجرح او يخون علشان بيخاف ربنا
……خليك دايما انسان ….
خلي جواك الامل واخلق السعاده لنفسك
اياك تكون حزين او موجوع
بلاش تضيع سنين حياتك في حاجات فاضيه ملهاش لازمه
اشتغل ابني نفسك خليك دايما مع الشخص اللي يعليك
مش يهد فيك بلاش تكون سلبي واخرج للحياه
حب الناس وعاملهم بصدق لوجه الله
ده ربك كبير وهيجازيك خير
بس قول يارب وخلي قلبك كبير يساع الكل
واسعي في الخير دايما حب وافرح وعيش
اوعا تكره وسامح اللي يغلط في حقك
وسيبه يفهم ويتعلم انك كنت الضحكه الحلوه
اللي في حياته وبغيابك اتحرم منها وقتها هيعرف قدرك
اخرج للحياه وافتح احضانك بقلب راضي ماليه حب الله ..
ربنا بيقول كل شيء معمول حسابه بالملي ” وكل شيء خلقناه بقدر ”

– ” هذا المُنحدر الذي حطمك وكسر فيك كل شيء ، ستشكره في يوم ما ..! ”

فمتزعلش لو حاجه بتحبها راحت منك ما يمكن ربنا
بيشيل اذي عنك وهيديك اللي يخليك تسجد من الفرحه

وكأن ربنا بيقولك” أردت ان اختبر ايمانك وصبرك فلما نجحت في الاختبار أبهرتك بكرمي وادهشتك بعطائي !
، فعلاً الانسان لو عرف ربنا مدبرله ايه في الغيب لكان داب.
‘”اصبروا .. صابروا …رابطوا… اتقوا الله لعلكم تفلحون ”

مجرد خربشات ل دعــــــــــــــــــــاء..
كلمات انسانه بسيطه مجرد انسانه …

رابط مختصر

اتـرك تـعـلـيـق 0 تـعـلـيـقـات

* الإسم
* البريد الألكتروني
* حقل مطلوب

البريد الالكتروني لن يتم نشره في الموقع

شروط النشر:

عدم الإساءة للكاتب أو للأشخاص أو للمقدسات أو مهاجمة الأديان أو الذات الالهية. والابتعاد عن التحريض الطائفي والعنصري والشتائم.

ان كل ما يندرج ضمن تعليقات القرّاء لا يعبّر بأي شكل من الأشكال عن آراء اسرة جريدة فرسان الميدان الالكترونية وهي تلزم بمضمونها كاتبها حصرياً.