مع الحواديت

مشاهدة
أخر تحديث : الأربعاء 10 مايو 2017 - 8:22 صباحًا
مع الحواديت

الشاعر / احمد ابراهيم
*******************
يكتب / مع الحواديت
********************
وعشت فى صفحة الحواديت
دخلت كتاب بدون عنوان
لا طايل ليل ولا انوار
وكاسي الليل من الايام ألف نهار
لقيت ف القصه ناس تجري
وكان مارد هنا واقف وكان جبار
واقول لنفسي يا نفسي
ياريت تصحي
ده انا الشارب دموع امسي
ياريت اخرج من الأبواب
وصوت الصرخة وبتدوي
وناااااااااااااااااااااس تجري
وانا بجري وانا مسجون
فى قلب كتاب
عدد صفحاته مجهوله
واقول لنفسي معقوله
اعيش مجهول
وامشي فى الطريق مزهول
واجري زى ناس تجري
وانا خايف من المجهول
واعيش واحد كما المجنون
اعيش بكرة مع امبارح بلا اهداف
وانا الواقف على الأعتاب
وبتمنى الجدار يتهد م الأمواج
وترجع ارض احلامي
واعيش ايامى وابقي شباب
يا ليل واخد بياض الورد
يا ليل كاسي الخضار بسواد
وانا اللى شباب
وشعري اهو شاب من الاهوال
ياريت مادخلت يوم قصه
ولا حكايه من الحواديت
ياريت كنت فى يوم خارج من الحواديت
ياريت وياريت والف ياريت
ما كنت فى يوم دخلت كتاب
********************************
بقلم الشاعر / احمد ابراهيم

رابط مختصر

اتـرك تـعـلـيـق 0 تـعـلـيـقـات

* الإسم
* البريد الألكتروني
* حقل مطلوب

البريد الالكتروني لن يتم نشره في الموقع

شروط النشر:

عدم الإساءة للكاتب أو للأشخاص أو للمقدسات أو مهاجمة الأديان أو الذات الالهية. والابتعاد عن التحريض الطائفي والعنصري والشتائم.

ان كل ما يندرج ضمن تعليقات القرّاء لا يعبّر بأي شكل من الأشكال عن آراء اسرة جريدة فرسان الميدان الالكترونية وهي تلزم بمضمونها كاتبها حصرياً.