موجوعه يابلدى

بقلم الشاعر: عمرو انور

لا شفت الوجع ولا شفت الموجعين
شفتك يا قلبى حزين
قلبى الى عشش من الجراح مدبوح
مبقاش خلاص بحبك يقدر يبوح
مابين عيون الناس بيدارى
ودارى يا عينى دمعه مكسوره
على خد شايل ضحكه مدفونه
وسارح فيكى واغطيكى بضلى
شايفك يا حبيبتى بعينى وننى
انطفت لمعه عنيا باعو فيكى وباعو فيا
يالى حضنك للغريب مفتوح
ليه حضنك الواسع ما بيسعنى
محتاج اللملم نفسى جواكى
تفاصيل ملامحك جوه منى جروح
يا ساكنه القلب والروح
فبلاش يا مصر تزرعى جوه منى الخوف
يا ساكنه فيا مجمل الاشياء
اروينى الامان جوه الجوف
انا بس طالب رضاكى عنى بإستحياء
يا كل سكه للحم فيكى مسدوده
زى ضحكه على وشوش الناس موضه
وزى الفكر وفكره جديده مرفوضه
يا زاله الفقير من الصبا للكيهوله
ايامى فيكى يا مصر بقت معدوده
طب قوليلى يا مصر
مين فى الوحده زينا
الصليب والمأذنه
ومين ف التاريخ قدنا
يا بلد الاثار
ومين ف العلم عمنا
يا منبع العلم والنور
ومين ف السياحه يهزنا
يابلد ابو الهول وخوفو وخفرع ومنقرع
والاقصر واسوان
يابلد النيل
دا نيلك بياخد مبتداه منى
وارضك ارويها بدمى
جايز نزيف الحب يقتلنى
طب امته يا مصر اشوفك زى زمان
امته اشوف الامل ف عيونك
امته اعشق غنايا بأسمك
امته يموت اليأس جواكى
امته يتولد نور الفجر فى سماكى
كبرت ولسه مكبرتش
عيونك طفله بتضحكلى
والدنيا نهار
شفتك فجتلك بدرى
وانتى اول المشوار
برغم الضعف جوانا
ورغم البعد قسانا
شايفك يا بلدى عذاب
واعلن فى المرار نفسى
فجأه القاقى تخدينى
وف حضنك الواسع تضمينى
ف اهتف بأسمك فى كل مكان
يابلدى يا نور عينى
تحيا مصر بصوت مرفوع
يا مصر يا جنه
تحيا مصر